olga

Bizitzak darrai.

olgabolinagaiturricastillo — Sun, 05 Apr 2009 10:15:19 +0000

kaixo aspaldikoz,

Hemen nator berriro bueltan, egia esan aspaldian nire inguruan ez da ezer apartekorik gertatu. Krisia gora eta krisia behera, Patxi presidente eta betikoak. Inguruan jende asko egoera zailean dagoen arren, uste dut okerrena etortzeko dagola, hala ere, gurea krisia bada, ez dakit zer izango den beste herrialde batzutan gertatzen ari dena, hainbeste dira!. Esaterako, astean bi emakumeren hitzaldi izan dugu, bata mexikarra eta bestea mozambikekoa. hitzaldia interesgarria izan zen, beraien bizipenen berri eman ziguten eta gureekiko interesa erakutsi zuten. Holakoak entzun, prentsa irakurri eta telebista ixotzea nahikoa da gure krisia beste modu batera ikusteko.

Ikusten duzue ez daukadala gauza larregi esateko, beraz, eguraldiaz hizketan hasi baino lehen, agur eta ondo bizi.

berriz bueltan

olgabolinagaiturricastillo — Wed, 11 Mar 2009 23:10:46 +0000

Gabon kuadrila,

Espero dut ni bezain ongi pasatu izana praktiketako garaian. Esperientzia aberasgarria izan da eta eskolan emandakoa osatzeko beharrezkoa. Praktiken ondoren, zentzu gehiago hartzen diot eskolan ematen ari garenari. Hala ere, Eskoriatzara bueltatzea ez da izan erraza, eta hurrengo praktiken zain gelditzen naiz.

Laster, aste santua, planekin edo plan gabe, ondo pasatzeko momentua izan dadila danontzako.

Agur eta ondo bizi.

3. mintegia

olgabolinagaiturricastillo — Sat, 21 Feb 2009 19:04:13 +0000

Kaixo lagunok:

Ze moduz inauteriak? ea ongi pasatzen duzuen.

Gure eskolan, ostiralean mozorrotu ginen, asko gozatu genuen. Haur hezkuntzakook, mexikanoz jantzi ginen eta lehen hezkuntzakoak, berriz, errusiarrez. Haurtzaindegian ere haurrak, zabor plastikoetan irudiak eginez mozorrotu ziren. Mozorroak etxetik ekartzen dituzte.

Haurrak hasieratik urduri xamar etorri ziren, beraiendako ospakizun berezia izan zen. Txikienak astoratuta ibili ziren hainbeste jenderen artean eta haur helduagoen babesa izan zuten, guztiak ere primeran ibili ziren.

Argazki mordoa atera nuen arren, ezin izan dut blogera igo, ez bait nuen baimenik.

Praktikak laister amaituko dira, beraz, gozatu azkenengo astea eta laister elkar ikusiko dugu.

Agur eta ondo segi.

3mintegia1

Elgetako eskola

olgabolinagaiturricastillo — Tue, 10 Feb 2009 19:55:00 +0000

Kaixo lagunok,

Ondo zabiltzate praktiketan? Tartetxo bat hartu dut, zuei hitz batzuk bidaltzeko. Niri egunak motzak egiten zaizkit, hilabete pasatu da eta bestea ere martxa onean dijoa.

Herriko eskola txiki honetan, lapurretak izan dira eta beste saiakera bat ere egin dute gu bertan geundela, lapurtutakoak honakoak izan dira: Saharara bidaltzeko zituzten elikagaiak eta oinetako batzuk. Hau guztia eraman arren, ez dute lortu eskolan dagoen giro berezia eramatea. Eskola honetan bizitzan aurrera egiteko haurrak prestatzen dituzte, haurrak gizarteratzeko. Gure gelan dauden objetuak, beraien jakin-mina sortzeko bideratuta daude eta lantzen diren ekintzak libreak eta zuzenduak dira, esaterako, etxe txokoan eta ipuin txokoan jolas libreak egiten dira eta margo txokoan, berriz, irakasleak zuzenduak. Hauek dira gelako ekintzak egiteko dauzkagun txokoak. Bertan egiten dituzten iharduerak haurren beharrak asetuko dituzte.

Beraz, ilusioz beteriko eskola txikia dugu eta hori ezinbestekoa da aurrera ongi jarraitzeko. Esan beharra daukat oso gustura nagoela eta teoria baino askoz betegarriagoa dela haurrekin aritzea.

Hemen bidaltzen dizkizuet eskolaren argazkiak eta bertatik ikusi daitezkeen paisaia ikusgarriak.

Besterik gabe, laister arte, agur eta ondo izan.

lanen bidalketa

olgabolinagaiturricastillo — Sun, 01 Feb 2009 11:45:37 +0000

Kaixo lagunok:

Zer moduz asteburua? espero dut ondo.

Banator berriro mintegiko lanak lagatzera. Espero dut 3. mintegirako eguraldiak hobera egitea, ea noiz datorren udaberria, udaberri goxo bat.

Oraingoan hemen uzten ditut ondoko lanak:

- Lehenengo mintegirako konponketak.1go-minte-konponketak

- 2. mintegiko lanak.elkarrekintza-eta-harremanak2-mintegirako-lana

- Asteko momenturik berezienak.asteko-momenturik-barezienak

Aurki, ikusiko dugu elkar, bitartean ondo bizi.

lehenengo mintegia

olgabolinagaiturricastillo — Sun, 18 Jan 2009 22:17:27 +0000

kaixo lagunok:

Zer moduz doaz zuen praktikak? espero dut ni bezain gustura arituko zaretela.

Hemen zintzilikatzen dut praktiketako lehenengo mintegirako eginiko lana. Norbaiti interesatuko balitzaio, baliatu dezala.

Ostegunean ikusiko dugu elkar, ondo pasa astea eta agur.

praktiketako-1go-mintegia

Oporrak amaitu dira

olgabolinagaiturricastillo — Sun, 11 Jan 2009 21:34:56 +0000

Asteartean errege eguna ospatu genuen eta urtero bezala, erregeak izan ziren gurean ere. Nahiz eta urteak pasa haurtzaroko oroimenak zetorzkidan burura. Nola baserrian bizi nintzean, gure osabak izara zuri batekin asto gainean eta zutargiarekin beheko bidetik nola pasatzen zen, baita nola izebak esan zigun lehengusinari eta bioi nortzuk ziren erregeak, zer nolako tristura sartu zitzaigun, magia amaitu zen. Gaur da eguna oraindik ere opariak hartzen dituguna eta hala eta guztiz ere magia piskat gelditzen da, amak urtero opariak ipintzerako orduan jartzen duen ilusioan. Baina egun horretan beste opari bat ekarri ziguten erregeak, elurra, zer nolako elurtza egin zuen gainera! paisaia ikusgarria geneukan. Botak jantzi eta baserrira joan ginen anaiak eta lobak, hango lehengusu eta izebarekin elkarrekin eguna pasatzera, eta azken agurra ematera gabonei. Bazkal ostean, jandakoari bidea egiteko eta birusak botatzeko elurtzara joan ginen, lehenengo panpin handi bat egin genuen, izena ere ezarri genion “Hipolito” eta ondoren plastikoak hartu eta gustura pasatu genuen, baina nire buruak esaten zuen bihar praktiketan hasteko eguna zela eta horrek noiz behinka urduritzen ninduen. Pena galanta hartu genuen eguna amaitzerakoan, orduak aurrera zihoazen eta gaua heldu zen, etxera joateko ordua. Datorren urtean gabon osasuntsuagoak eta zoriontsuak izateko esperantzarekin.
Oraingo astea berezia izan dut, nire ustez guztiok izan dugun bezalakoa praktikak direla eta.
Azteazkenean hasi nituen praktikak Elgetako herri eskolan eta zeharo urduri nengoen. Nirekin egongo den irakasleak Maite du izena eta bi urteko haurrekin egon behar naiz. Hasieran denak arraro xamar begiratzen ninduten baina laister egin ziren nire presentziara. Ehundoko izotza egin zuen eta haur batzuk trineoan etorri ziren eskolara.
Aste hau motza izan da, hiru lan egun izan ditugu, eta gainera goizak zeharo azkar pasatu zaizkit.
Haurrak eguna jolasten pasatzen dute eta ostiralean 3 urteko haurrak izan genituen gelan, beraien irakaslea ez baitzen etorri, saltsa gehiago izan genuen eta gustora amaitu nuen astea. Espero dut gainontzekook ere hasiera ona izango zenutela, orain asteburua da eta ondo pasa dezazuela, hurrengo arte, Olga.

gabonetan mendira

olgabolinagaiturricastillo — Sun, 04 Jan 2009 17:05:23 +0000

Gabonak pasa dira eta guztiz osatuta ez egon arren, ohikoa den bezala loba Junekin eta besoetako Junekin eta anaiarekin eguarbitzara joan ginen, eguraldi aparta eta giro goxoa izan genuen. Eguarbitza Elgetako mendi polit bat da, bertatik bista ederrak ikusi genituen,Eibar, Ermua, Amboto, Udalaitz, Intxorta eta baita itsasoa ere. Puntan hamaiketakoa egin eta etxeranzko bidea hartu genuen. Neskatillendako lehen aldia zen igotzen zutena eta txundituta gelditu ginen hain ausart eta indartsu igo zuten eta. Hurrengo irteera nora joango pentsatuta utzi genuen, urbiara igoko dugu eta biak konforme. Ea azkenengo mendikada bezain ondo pasatzen dugun.

anaia Afrikan egon zeneko argazkiak

olgabolinagaiturricastillo — Sun, 04 Jan 2009 16:44:01 +0000

Iaz anaiak 7000km tako bidaia egin zuen beste sei lagunekin batera. Elgetatik irten ziren bi furgoneta zaharrekin eta Espainia, Marruekos, Mauritania eta Senegal pasatu ondoren Guinea Bissaura iritsi ziren han egun batzuk pasatu ostean, bueltako bidaia egazkinez egin zuten, Guineatik Dakarrera, Dakarretik Madridera eta handik etxera. Bidaia oso interesantea izan zela esan dit eta ahal duenean itzuliko dela. Bidaian herrialde asko denbora gutxian pasatu arren bertako jendearekin egoteko aukera paregabeak ere izan zituzten. Gertutasuna eta bertako jendearen jarrera izan ziren azpimarragarrienak . argazki batzuk jartzen ditut, ea zuen gustukoak diren.

Loba

olgabolinagaiturricastillo — Sun, 04 Jan 2009 15:28:45 +0000

Nire loba Junerekin atera nituen argazki hauek, bera oso txintxoa eta jatuna da. Bere kabuz ibiltzea gustatzen zaionez, sarritan alde egiten digu baina bestalde zeharo alaia eta maitekorra da. Asko gustatzen zaio ipuinak entzutea eta aldi berean kontatzea ere. Hemen ezartzen ditut pare bat argazki bera ezagutu dezazuen.